BTB - Better Than Burger (富多來商場第二期) (Closed)

留意咗好耐，專程過嚟呢邊買🥳多款有趣配料，漢堡包仲用咗冬甩😍創意設計，超吸引~今次試咗雙層魚柳同牛肉漢堡，toppings面料有三款選擇：🧅洋蔥碎、🍬棉花糖、🧋珍珠，驚喜細節位：漢堡食到入邊仲有！唔係就咁係面頭放幾粒👏🏻推薦珍珠🤓幾好食，珍珠唔甜，唔會驚鹹甜衝突。就咁淡淡哋，同包一齊好夾🤤有我鍾意嘅珍珠口感，煙煙韌韌幾彈牙。手打牛肉，肉味香濃，配上芝士勁正🧀魚柳唔容易散開，酥炸魚柳肉質厚實，食得出好新鮮🐟我覺得冬甩會比平時嘅🍔漢堡包更香，鬆軟，伴隨少少空氣感，🥹食完已經開始掛住，值得回訪！鍾意新奇趣嘅朋友，一定要試下~