Next Station Dessert (Closed)

上網睇左為食blogger介紹完，就趁假期開始晚餐後同男人一齊向next station進發,唔洗排隊即刻有得入，店內環境一般，無特別設計，座位部份都以高檯為主，坐得唔太舒適，仲有d逼！我地被安排坐係面向開放式廚房既吧台，落完order好似等食咁望住個班甜品師傅，不時有d油煙味，感覺唔太好等左大約十分鐘，Test Tube送到黎啦，侍應哥哥極速介紹左3支test tube味道，順口講埋進食既次序,由青瓜芥末---熱情果---咖啡！青瓜芥末係碎冰，聞都已經聞到青瓜既味道，但味道一般，好似飲青瓜水一樣第二支熱情果，上下層既啫喱可以話無味，因為中間既熱情果奶凍酸味搶曬，但奶凍都算幾滑！最後一支咖啡味，濃郁咖啡味，入口第一下係苦，但咖啡奶凍既香滑好快又溶係口，唔中意飲咖啡既我地都覺得好好味，三支中最出色！食完三種味道獨特既就梗係試番樣為食blogger推介既，亦都係我期待既"法式朱古力班戟配青檸雪芭"！食完佢我更加相信希望愈大失望愈大呢句說話！朱古力好膩，雪芭似洗潔精味，班戟皮又無蛋味！好失望