Video
Read full review
2021-12-31
325 views
星期六約咗朋友聚舊吹水，我同佢去咗中環行街，期間仲畀我哋發掘咗間高質隱世小店☀️☃️「first crack coffee by Summer Ice」。門面並唔起眼，而且橫跨兩個舖位，驟眼睇會以為佢係工作室或畫廊👀。呢度座位唔多，所以唔會好嘈吵或逼夾，整體氣氛好舒服☺️，不過就未必咁易有位啊。小店主打咖啡同特色飲料🥤，同時亦有賣甜品輕食，雖然款式唔算好多，但都足以讓人眼花撩亂。可惜嘅係我哋今日晏咗嚟，幾款純素撻經已全部售罄❌。我哋嗌咗三樣嘢，夾埋都係二百零蚊，消費其實同連鎖咖啡店差唔多，唔算貴啊👍，但成個感覺就寫意好多。Sugarcane Cold Brew($70)，聽「竹蔗茅啡」呢個名就知搞鬼😝，佢以罐裝上，再用香檳杯飲，格調十足。從色水角度睇，你唔難發現飲品並非一般咖啡，因為通透度唔高，比較實色。味道帶有咖啡嘅香☕️，但就無咗浸苦澀同酸味，而且更有一份涼茶嘅甘涼，成個組合非常特別，令人印象深刻，同時佢亦好易入口，絕對值得一試。Earl Grey Waffle with Earl Grey Ice Cream($75)，窩夫造型幾精緻😍，厚厚兩件豎起，外層脆卜卜，內裡軟熟，食落幾爽，唔會
星期六約咗朋友聚舊吹水，我同佢去咗中環行街，期間仲畀我哋發掘咗間高質隱世小店☀️☃️「first crack coffee by Summer Ice」。
門面並唔起眼，而且橫跨兩個舖位，驟眼睇會以為佢係工作室或畫廊👀。呢度座位唔多，所以唔會好嘈吵或逼夾，整體氣氛好舒服☺️，不過就未必咁易有位啊。
小店主打咖啡同特色飲料🥤，同時亦有賣甜品輕食，雖然款式唔算好多，但都足以讓人眼花撩亂。可惜嘅係我哋今日晏咗嚟，幾款純素撻經已全部售罄❌。
我哋嗌咗三樣嘢，夾埋都係二百零蚊，消費其實同連鎖咖啡店差唔多，唔算貴啊👍，但成個感覺就寫意好多。
Sugarcane Cold Brew
$70
13 views
0 likes
0 comments
Earl Grey Waffle with Earl Grey Ice Cream
$75
5 views
0 likes
0 comments
Matcha Affogato
$60
8 views
0 likes
0 comments
題外話，小店節日氣氛濃厚，我哋坐喺嘅秘密角落內就擺放咗一大棵聖誕樹🎄，空間細細，彷彿有種家的感覺。
呢度就連走廊位置嘅裝修都有花上心思，不過餐枱就係面向牆🧱。
總括嚟講，夏雪各方面都令人滿意，飲品同甜點設計充滿創意🌟，除咗著重噱頭之餘，味道亦都好好。店員們好友善，樂於同客人交流，兼且仲介紹咖啡店遲啲會舉辦工作坊，讓愛好者加深對咖啡嘅認識，敬請期待😛。
Post
