彩興來來火鍋 (Closed)

天氣涼涼地，又係時候出動去吃火鍋，住在將軍澳的朋友相約這間餐廳食火鍋，朋友食過覺得ok所以約埋我哋一齊再食一次，呢間餐廳唔算太大，坐滿了就好虛撼，我們被安排坐在一張卡位上 ，檯面已固定有一個黑色嘅鑊幾有霸氣，唔似一般嘅火鍋用的煲。餐牌上食物款式都有幾多選擇，服務員叫我們先揀一個湯底，可以揀好後再慢慢揀其他火鍋配料，我們經過一番雞啄唔斷嘅討論之後，便揀了黃金雞湯湯底，服務員拿來一碟材料有雞、花膠同蟲草花，然後燒熱隻鑊，再放材料炒了一陣，便加了上湯，服務員說等湯滾起可以拿來喝，喝完才放火鍋湯淥嘢食。看見湯底滾起好有氣氛，我們每人飲到一至兩碗湯，有雞嘅鮮味，雞肉嫩，花膠有咬口，整個湯不是滾很耐，但比想像中濃，不錯。火鍋配料新鮮，當中我欣賞朋友叫的一款鬼馬蝦條幾有創意，原來是一隻蝦包著油炸鬼及蝦膠又鋪滿了蟹子，食的口感不錯，油炸鬼唔太林，仲有小小脆的口感，蝦膠彈牙，一路咬落去先發現蝦身已剝殼，good。我們從食下傾下不經不覺兩個幾鐘，感覺不錯，下次再encore。