金妹記大排檔 (Closed)

朋友話銅鑼灣開左間新大排檔，去開附近就即管去試試，原來係金妹記開左分店。裝修好有心思，用左唔少港式既佈置同擺設，懷舊得黎又不失新鮮感，好特別。個人就幾中意呢個簡簡單單既餐紙，真係突然想玩返舖魚蝦蟹。比佢menu既椒鹽瀨尿蝦吸引左，見圖好似好巨型喎，決定嗌一隻試試先。椒鹽瀨尿蝦果然冇令人失望，真係好大隻餐廳仲會比埋較剪同手套，好細心。一剪開+一扯開，好大舊肉呀！食落仲好爽身好新鮮，非常甜美值得一試！豉椒炒大蜆份量好多，隻隻蜆都好入味，加埋配菜食好惹味原隻豬手呢隻豬手一上碟，真係好有驚喜呀！份量多到嚇一嚇，每一口都好嫩身，亦好入味，唔會過咸。值得讚一讚係佢層外皮，感覺一啲都唔油膩，非常香脆。推介干炒牛河食茶記必叫干炒牛河！一上枱熱辣辣出晒煙咁，食落佢一樣唔會好油膩，食到最底都唔會見到一堆堆油，穩陣之選～