老爺鮑魚雞煲

Open Now

Now Closed

今日又黎到荃灣揾食，發現有一個地方可以食鮑魚雞煲，我見好似幾特別所以就去試一試。餐廳既面積唔算大，但坐落都唔算迫夾。黎到老爺鮑魚雞煲就梗係點佢地既招牌鮑魚雞煲啦，我地點左原味湯底因爲唔係好食得辣😂鮑魚雞煲份量十足，有4隻鮑魚同大量雞件，仲有雞腳喺入面。鮑魚就非常彈牙，而且已經事先剝殼，食落好方便。而雞肉方面就非常嫩滑，而且入晒味，食到停唔到口。食完大部分雞後就加湯變火鍋，配上午餐肉，竹笙，肥牛等，食到個肚捧住走😂飲品就點左一大枝生津李乾蘋果茶，亦係好推介，因為真係生津解渴，好適合食雞煲火鍋時飲👍🏻