肉餅哥小炒料理 (Closed)

一直都想試下肉餅哥，難得放假就順意過黎😆。職員都幾有禮貌，一入門口已即安排我地入座。地方夠闊落，入到去裝潢比想像中新潮。餐牌勁多款肉餅，你意想不到既都有，有某部分仲創意十足。每款肉餅套餐都會奉送老火湯，肉餅可簡蒸或煎，可配免費白飯/白粥/米粉，或者+$2油飯/菜飯，+$3出前一丁或+5辛辣麵。🥄隨餐附送嘅老火湯有冬瓜、粟米，清清地滋潤下都唔錯～🐔口水雞(例牌) $48見到有小食，又想食辣野，叫左個口水雞。出名肉餅，估唔到連雞都甘好食，辣味剛好，夠香，質量比我想像中好，d雞唔鞋口，亦食唔到有雪味。🥓足三兩花膠肉餅（蒸）配菜飯 $99友人鍾意食花膠，話想補補骨膠原所以叫左花膠。肉餅飯以原個小砂鍋上碟，花膠絕對係足三兩😯，好厚好大舊。花膠煮得軟滑，有口感之餘又唔會太過膩，邪惡之選。肉餅簡左蒸，肥瘦比例剛好，嫩滑，仍保留肉汁，啖啖肉。份量十足，$99低食。🐲🦐原隻龍蝦煎肉餅配菜飯（煎）配菜飯 $99龍蝦頭同龍蝦拑十分有氣勢甘擺係面前，顏色鮮豔，霸氣十足，食到龍蝦鮮味。肉餅肉質較蒸既香口、彈牙結實，肥瘦同樣比例剛好，肉味濃郁。菜飯夠香，除左油左少少外，配肉餅食，完美配搭。另外叫左奇異果汁、西瓜汁