熱狗太太 (T Market頌富市場)

Open Now

Now Closed

創意滿分嘅熱狗店💛💛🥰🥰🌭🌭呢間熱狗店嘅熱狗款式，完全打破咗平時沉悶嘅包加腸加醬嘅組合。佢除咗經典同芝士嘅款嘅款，仲有泡菜豚肉、英式風情、浪漫Long鰻嘅款😝😝。英式風情：原來即係將成個all day breakfast塞入個熱狗度🤣🤣有腸之外、仲有炒蛋、蕃茄、煙肉、蘑菇、菜等等，成件事好夾，又令到個all day breakfast食得好方便。最鍾意隻炒蛋，好嫩滑呀😝😝芝士三重奏🧀🧀：呢款就平凡啲，雖然都好食，但芝士就無齊柏林咁多，同埋個包質係比較鞋，似subway個種包。不過個腸夠脆又唔會太多醬，面頭有啲燒烤焦嘅芝士，合格。另外小食都唔錯，有洋蔥圈、拉絲芝士條同雞翼，可以加唔同錢要唔同醬，叫咁松露蛋黃醬😝😝都幾香。芝士條熱嗰時真係好拉絲（芝心批個隻芝士）。