肉餅哥小炒料理 (Closed)

與友人行開荃灣， 佢地話不如試下《肉餅哥》 ，我地呢班食肉獸梗係叫好啦！一坐底 店員就比左碗老火靚湯我地飲之後我地睇下個menu呢度既肉餅配搭真係千變萬化，我就揀左個墨汁魷魚肉餅飯！ 期待已久既肉餅終於到，呢個肉餅係煎既，所以有陣焦焦既香味同埋咬落去好脆，而肉餅入面都有細細粒既墨魚， 咬落幾有口感，同好重墨魚味而我朋友就叫左個芫茜肉餅飯， 如果你係一個極度鐘意莞茜既人 你一定要試！肉餅上面放左好多莞茜，而肉餅入面都有陣好重既莞茜味，令人胃口大開！最後肉餅仲可以配 白飯、辛辣面、粥等等真係隨你個人喜好配出唔同肉餅既配搭！