Emack & Bolio's (Closed)

食雪糕嘅鋪頭好多，要突圍而出就要有啲特色吸引人。小編就鍾意呢間雪糕舖嘅雪糕筒。佢嘅雪糕筒有唔少款可以選擇，有朱古力、朱古力彩虹糖同花生配朱古力等等，亦都有撈棉花糖嘅，價錢會高啲。佢啲雪糕筒唔係無限供應，賣哂就冇。小編本身諗住食返朱古力脆脆棉花糖，但去食嗰晚望住前面啲人買晒😢 唯有轉其他，所以就試左米通脆脆面花糖。結論係兩個cone都一樣咁好食。上面係芒果雪糕下面係桃雪葩。因為嗰日晚餐食得飽，所以雪糕就想揀啲清爽啲嘅口味。芒果嗰隻唔會好甜，桃雪葩好清爽，不過兩隻味同個筒就唔太夾😂上面係花生醬焦糖雪糕，下面係三重朱古力雲呢拿雪糕，聽見都覺得溜😂 不過兩個都好食，尤其上面嗰個。佢個花生醬應該係黎自Reese’s個peanut butter cup，佢地切開左，會食倒細細粒。下面嗰個就比較普通。但兩個雪糕整體都偏甜。小編淨係食過中環呢間，服務幾差，啲員工基本上都冇笑容，冇聲冇氣。唔係叫你做小丑嘅，只係基本禮貌同服務都應該要有。上一次去仲不停比個staff訓話。嗰次咁啱睇到cashier個牌，宜家易賞錢手機app有優惠券，可以無限次使用(到年2019年底)。上次第一次用就禁左出黎比個staff睇