韓嘢 (Closed)

好特別嘅韓國菜食店，底層有雜貨及韓式零食和麵賣，其他地方未必有得賣。店舖嘅嘢食主打韓國fusion菜，有別於傳統韓國嘢，每種食物會加上一些特別元素。今次試咗醬油炸雞套餐，玫瑰醬炒年糕（加配紫菜卷）。玫瑰醬炒年糕玫瑰醬即係平時辣炒年糕嘅醬汁加上忌廉汁和蕃茄汁，炒年糕入面仲有其他配料，魚糕、蝦🦐、大蔥等等，加左忌廉汁令成個汁更滑更香，減低辣度，食唔到太辣嘅朋友可以揀呢個。魚糕同年糕真係完全吸收晒個汁，每一啖都食到好香既汁嘅味道，年糕嘅軟硬度亦剛好，口感煙韌，呢個真心推薦👍🏻醬油炸雞套餐（包左醃蘿蔔、薯條及飲品）由於係即叫即炸，需要等大約15分鐘，炸雞就算加咗醬汁喺表面，仍然超級脆，肉嫩多汁，亦帶醬香味，一定要試。跟餐嘅炸薯條係幼身，炸得好脆又唔會太燶。另外飲品加咗$28選擇柚子梳打，飲品嘅包裝比較特別，係袋裝，入面有2片柚子，感覺非常清新，甜度剛好，食完炸物飲返一啖好正，另外附送飲管好有心思，上面係心型，味道又好又有gimmick.