The Joomak (Closed)

想去食韓國菜，但發覺香港大部份韓國菜都係韓燒/炸雞店，Joomak 個menu事實上係比較多選擇，菜式有創意, 有火鍋、炸雞、年糕及其他韓國食物，當然還有特色飲品。之前黎過兩次，但都覺得呢度嘅食物好一般，飲品方面尚算特別，今次再嚟睇吓有冇進步，最後都係失望而回。煙肉芝士羽衣甘藍煎餅（$104）：個煎餅中間有羽衣甘藍，煎餅上鋪滿着溶化了的芝士，味道可以，但原本諗住個煎餅面會有少少脆，但係成塊都腍pat pat。韓式魚糕湯（$93）：味道清淡，魚糕都幾好，唔會好大陣魚腥味，唯一OK 的菜。青檸牛油果麻藥炸雞（$168）：份量好大，個醬汁算是特別，但炸雞個皮太硬，不夠鬆脆，唔好食。吞拿魚卷：唔好食，紅蘿蔔太硬，飯也太硬。可能今晚算忙，服務差，叫極都無人理。