周師傅點心 (Closed)

深水埗一向都多野食，知道呢間周師傅點心，全因為佢地出品嘅包，見有人介紹過，覺得幾可愛，於是揀左個假日前來。位於北河街嘅一間小店，招牌都幾顯眼，老遠抬頭都見到。店鋪位置唔多，枱面較小，因為未到晚飯時間，客人就唔多，大部份係一、二人，都算坐得舒適。被安排坐低後，就盡快睇餐牌，因為我地都幾趕時間，好在點心上菜都夠快啊，我地喺半個鐘內完成晚餐。雖然係小店，但menu都幾多野揀，除左十幾款傳統點心，仲有幾款創意點心，飯、腸粉等等，價錢由12蚊起，同平時呢類型點心店差唔多。點心即時製作，飯類加20蚊會有例湯，菜心，甜品，茶。脆皮馬拉糕 23屬於創意點心，同傳統馬拉糕不同之處，首先食落面頭真係脆脆地，入面仲幾軟熟，而最重要係唔會太甜！蝦多士 25呢款都有好多人推薦，即時炸起，外脆內軟，面頭有黑白芝麻，所以好香口。夾住嘅蝦肉唔算多，勝在夠香脆。蝦餃 16一份兩隻，大大粒，皮好薄身值得讚嘅，蝦肉亦都明顯，夠爽。燒賣 16燒賣亦都幾大粒足料，面頭仲有蟹籽，啖啖肉。一籠兩隻，啱哂我地人少少。hea包 23就係被呢個包吸引來，一籠兩隻，好鮮豔嘅橙色，入面幾有創意，唔同平時d流沙包，反而加左煉奶咁，一督穿就漏汁