明乾小館 (Under Renovation)

明乾小館 地址: 尖沙咀厚福街8號H8 1樓=====================慶祝節日通常都會避開正日，一來容易訂位唔洗迫，二來是選擇多些，同家人去飲茶，想比阿媽有趣些的飲茶食點心體驗，我就book 了間新派精緻點心。$88 午巿餐有湯，蒸飯，菜同點心兩款（8點2）荷香陳皮豉汁蒸白鱔飯同荷香蟲草花滑雞飯。鱔皮彈性有膠質，雞很滑有蟲草夠養生，新鮮熱辣蒸起。$68 黑蒜燒賣，一客4粒，個餡都是蝦加豬餡,仲有帶子在面甚為貴氣，特別之處是皮黑色，因加了黑蒜搓成，手工製非現成。$68 彩虹蝦餃個皮好夢幻，綠橙色再刷了層食用金色，蝦彈牙飽滿。豚肉叉燒包，是平常的叉燒包，甜叉燒餡，蒸得鬆軟的包，炸蝦角香口，唔會油膩。黑金流沙包，掰開個流心，很香甜。火焰黑椒牛肉生煎包，肉餡多汁，一大口咬下有齊雙重享受。$48 米網腸，粉紅色外米腸層好看奪目，米網炸過再包腸粉表層，淋埋豉油先食口感一流。菲林黑芝麻卷，甜品重黑芝麻香，糥米彈牙。因即叫即蒸，所以食得體面，媽媽又開心，比傳統點心多了創意，賣相又靚，而家媽媽們都識發圖社交平台去呃like 的了免加一免茶芥，食得開心。