Video
Read full review
2019-08-07
29 views
難得一年一次生日，決定放縱一次，食廚師發辦好好慰勞自己！呢度嘅廚師發辦好特別，加入左好多心思去設計擺盤同菜單，烹煮方法都同一般傳統既廚師發辦唔同，係一次幾特別既體驗。一坐低就會有一杯蘋果汁，加入左日本清酒嘅成份，飲落更加冰爽。今日嘅前菜係牛油果他他，牛油果醬配雜錦魚生同少量青瓜。第一次以咁樣嘅形式去食用牛油果，醬汁好濃厚，加埋魚生同青瓜一齊食就冇咁膩。呢度嘅牛骨湯烹煮方法好有新意，用一部好特別嘅機器煮沸牛骨湯，湯汁吸收曬所有精華，飲落牛味香濃。而牛肉片口感香軟，蓮藕爽脆，幾出色！煙燻蛋造型別緻～其中一道我覺得幾難忘嘅菜式就係燒雞卷，外層係寫滿日文嘅「報紙」，其實係用糯米做嘅，食落去有一絲絲嘅甜味。入面包住香滑、燒過既雞件，食完唔夠喉，真係想食多兩件呀！四色天婦羅原味鮮蝦味突出，而咸蛋黃、黑松露如果再重手啲啲就更好！仲有炸過既梅麵 ，可以當薯條食，十分香脆。用菠蘿造型嘅器皿裝住冰涼既沙冰，可以清一清喉嚨。豆紙壽司既外層色彩奪目，令到壽司更加方便食用。入而係香濃既牡丹蝦，鮮味十足。-包菜壽司，蔬菜包住嘅係三文魚，平時好怕食生既蔬菜，因為好怕嗰浸青草味，但係呢個壽司出奇地冇呢種味，反而幾清新
難得一年一次生日，決定放縱一次，食廚師發辦好好慰勞自己！呢度嘅廚師發辦好特別，加入左好多心思去設計擺盤同菜單，烹煮方法都同一般傳統既廚師發辦唔同，係一次幾特別既體驗。一坐低就會有一杯蘋果汁，加入左日本清酒嘅成份，飲落更加冰爽。
今日嘅前菜係牛油果他他，牛油果醬配雜錦魚生同少量青瓜。第一次以咁樣嘅形式去食用牛油果，醬汁好濃厚，加埋魚生同青瓜一齊食就冇咁膩。
呢度嘅牛骨湯烹煮方法好有新意，用一部好特別嘅機器煮沸牛骨湯，湯汁吸收曬所有精華，飲落牛味香濃。而牛肉片口感香軟，蓮藕爽脆，幾出色！
煙燻蛋造型別緻～
其中一道我覺得幾難忘嘅菜式就係燒雞卷，外層係寫滿日文嘅「報紙」，其實係用糯米做嘅，食落去有一絲絲嘅甜味。入面包住香滑、燒過既雞件，食完唔夠喉，真係想食多兩件呀！
四色天婦羅
原味鮮蝦味突出，而咸蛋黃、黑松露如果再重手啲啲就更好！仲有炸過既梅麵 ，可以當薯條食，十分香脆。
用菠蘿造型嘅器皿裝住冰涼既沙冰，可以清一清喉嚨。
豆紙壽司既外層色彩奪目，令到壽司更加方便食用。入而係香濃既牡丹蝦，鮮味十足。
-
包菜壽司，蔬菜包住嘅係三文魚，平時好怕食生既蔬菜，因為好怕嗰浸青草味，但係呢個壽司出奇地冇呢種味，反而幾清新。
-
鮟鱇魚肝充滿魚油香，蟹膏壽司則蟹味十足。而我最鍾意就係吞拿魚壽司，加左小小脆片係魚蓉上，食落好似春卷一樣咁香、咁脆。
甜品係巨蜂提子同焦糖多士綠茶雪糕，成餐飯又有櫻花茶、蘋果清酒、日本茶同沙冰，好多野飲。而焦糖多士香脆，甜度又唔會over, 幾有驚喜！
Post
