黑木亭-お食事処 (玉成大廈) (Closed)

夜晚想食日本嘢，所在以在公司附近搵咗呢間黑本亭日本餐廳，餐廳位於📍元朗裕景坊15-25號玉成大廈地舖，坐輕鐵過去好方便👍🏻餐廳坐位寬敞，坐得好舒服，原來佢哋重有外賣壽司賣，晚上8點後重有外賣特價時段，抵呀💰青紅蘋果絲蟹子沙律 - 蘋果絲好鮮甜，配上蟹子及沙律醬，份外美味🥗唐揚小池魚 - 原條細小的池魚即炸而成，香脆可口，好似食緊薯條咁樣👍🏻 配上沙律醬，增添幾 分魚嘅鮮味🐟蒲燒鰻魚串 - 鰻魚好厚肉，配上鰻魚汁，勁正，鍾意食鰻魚嘅朋友，一定要食呀👍🏻A5黑毛和牛串 - 和牛本身已經好濃牛肉味，燒完之後，牛脂走晒出嚟，入口時果種香濃嘅味和肉味，太吸引了，食到停唔到口🥩沖繩黑糖燒菠蘿 - 菠蘿本身都好甜，加上少量黑糖來燒，食嘅時候，又香又甜🍍DIY壽司刺身盛 - 呢一個係主食，好豐富嘅刺身加上壽司飯，賣相好吸引👍🏻 刺身好新鮮，全部大大件😍我哋要將刺身放上壽司飯，DIY成壽司，過程好有趣。我最鍾意拖羅同埋三文魚，拖羅無根，食到甘香味，三文魚鮮甜又係厚切，正呀😋估唔到元朗會有間咁高質嘅日本餐廳，下次要再同朋友去多次👍🏻👍🏻