茶理史 (Closed)

係TST呢個美食綠洲，餐廳同飲品店都有好多。如果一去再去，通常係價錢吸引或者味道特別。其中一間我經常去既係【茶理史】。【茶理史】係同類型茶飲店裏面價錢最親民，最平$18已經有交易，而且有好多新創意，仲要係黃店。因爲佢地茶底幾好飲所以我多數都叫茶類，另外鮮奶小芋圓都係我第二選擇。葡萄松柏烏龍：烏龍茶味香濃，但唔澀。有好多葡萄果肉、好似健康版珍珠，味道微酸，非常解渴開胃！草莓鮮奶地瓜小芋圓：用新鮮草莓製成，mix埋鮮奶係超級鮮甜既草莓牛奶，而且唔會好甜。小芋圓非常有咬口，而且非常飽肚！