為食龍 (Moved) New Location

今日銅鑼灣收工，途經耀華見到有間新開嘅日式壽司，飯團和便當餐廳 - Hungry Dino。呢間餐廳主打係腐皮壽司系列，但主要都係做外賣多，因為店並唔大，只有幾個站位供堂食。明太子三文魚 $20三文魚嘅食落新鮮嫩滑，而且有油脂，厚薄均一， 加埋勁新鮮明太子，食落口非常之有口感。蔥吞拿拖羅蓉 $22吞拿魚有色澤，拖羅蓉肉質肥美，一口咬落去，裏面嘅油脂溢出，配上蔥花和腐皮，將吞拿魚嘅腥味除去。黃金魷魚飯團 $18黃金魷魚好看好爽口，粒粒魷魚食落好鮮甜，配埋飯食一啲都唔會覺得漏。雞排便當 $48便當用上珍珠米，食落唔粗糙有口感，而雞塊肉質軟滑，而加 $4 配上咖哩汁送飯，真係非常之開胃。