麵屋 元祖達摩 (Closed)

好少過大埔食野，朋友介紹太和中心有間唔錯既拉麵，就過黎捧下場。麵屋元祖達摩既環境好有日式風味。打開menu睇到唔少比較特別既拉麵款式。櫻花蝦味噌拉麵 ($78)淨睇賣相已經好吸引，櫻花蝦數目一d都唔惹少，㨂左比較幼身既麵，相比起朋友食既粗麵彈牙好多叉燒就㨂左豚肩叉燒，脂肪少唔太油，薄切得黎肉質軟腍最驚喜係櫻花蝦，湯底本身已經頗濃，加左櫻花蝦更香更惹味，又唔太鹹，超讚北海道3.6牛乳拉麵 ($83)朋友點左牛乳拉麵，不過佢㨂左粗麵，雖然冇幼麵咁有有嚼勁，但係口感軟軟既，都唔錯。奶白色既牛乳湯底香味濃郁，夾雜少少黑松露既味道，相比起普通食開既豬骨湯底更勝一籌。招財貓梳打 $20食完拉麵點都要點d飲品減下膩，見到招財貓梳打幾得意，就點個試下。招財貓樣真係好qq好吸精,飲落有d似波子汽水，蜜糖味唔太重，但甜度岩岩好。元熟芒果梳打 $20個人覺得呢個好飲d，超重芒果香。