881包子

Open Now

Now Closed

同事好鍾意翻大陸，好多時候話啲包點特別好食，好慷慨咁買返黎俾大家分享，但係一般都覺得唔喺咁好食。其實重點係新鮮熱辣。今次俾我搵到一間可以望到師傅即整既店，一包一包嘅麵粉，就放係現場，師傅隔住玻璃現包現蒸，等客人都可以感受到個包嘅新鮮。 🍖香港都係賣菜肉包，叉燒包呀咁，佢哋嘅主打醬肉包，香港真係未見過。哩嗰包入面有冬菇同鮮，再加上濃濃嘅肉醬，昇華肉汁之外又唔會因為過份濕潤而影響包嘅煙韌程度。創新涵料放係傳統包入面，喺好出色既結合。 🍖我地另外仲叫左半打鮮肉包，一個什錦素菜包同一個紅豆包。我特別鍾意素菜包，佢入面全部都用上爽脆嘅食材，木耳絲，紅蘿蔔，椰菜絲，爽口好味，再加上雞蛋，蛋香令到全個包散發肉類之外嘅另一種香味。有脆又有趣。 ✨️等既時候，同店員傾左幾句，發現絕對唔賣隔夜包，咁就更加保持質素。值得一讚。創新嘅口味，加上即場製造，絕對喺引領香港包點既新潮流！