WOFT (Closed)

今晚約左兩個大學同學食飯，見OpenRice好多人推介呢間於是我地就揀左佢，仲係一個禮拜前網上訂咗位添。之後到左先知原來呢間係酒吧餐廳，但好彩都有啲非酒精嘅飲品可以選擇。 我地三個一共叫左三個嘢食，分別係煙三文魚香茅芒果沙律，白汁磨菇海鮮狗仔粉，芝士軟殼蟹窩夫漢堡。沙律菜10分新鮮，煙三文魚共有三件，係開胃前菜。白汁磨菇海鮮狗仔粉非常之特別，所以我地都忍不住試下。白汁同狗仔粉出奇地非常夾而且海鮮有蜆肉同魷魚，蜆既份量都多。滿意。至於芝士軟殼蟹窩夫漢堡就好失望，首先軟殼蟹炸過左龍，waffle 好硬。