妹記大排檔 (Moved) New Location

難得有連續4日假期..同朋友決定坐埋一檯食返餐大餐慶祝一下~今次我地揀左"妹記"~自從2年前食完佢個鬼馬油炸鬼之後~一直都好回味~2年後o既今日~終於可以再次食返...7點半左右去到~無bk位...好彩人並唔多~waiter好快就assign左我地坐低~每次入去...都覺得呢度環境好有風味~牆身貼住"大排檔"o既街景~實際上就係一間比小菜館設備更完善更整潔o既食肆~o係呢個環境下用餐絕對可以令到食客食得舒適而且安心~今次我地叫左4樣小菜+啤酒~不好啤酒o既我地黎到妹記都要叫返一枝啤一啤~原因當然係為左"戰鬥碗"啦~大口大口地用戰鬥碗飲啤酒~確實係人生一大樂事~!!!!沙拉骨酸酸甜甜~非常開胃~加上肉骨比例恰當~!最緊要d肉食完唔會痴牙~!值得一讚~!!西蘭花炒鮮尢~野味~西蘭花並唔油~"欠"汁亦好夠味~不錯之選~~本人不太好尢魚~無試到..不過望到最後所有尢魚都被清光~相信味道亦都不錯~鬼馬油炸鬼~不愧為鎮店之寶~正~!!!!油炸鬼入面釀左d魚蛋o係入面...口感好特別~外脆內彈牙~最緊要油炸鬼唔油~食完感覺都唔太熱氣~略嫌切得比較大件~如果細件d~會更加小食多滋味~海棠豆付叫返樣清少