Video
Read full review
2023-10-29
53 views
8 course tasting menu🥂一開始有三個開胃小菜，巴馬火腿甜瓜出汁啫喱嘅味道balance得好好，帆立貝青瓜凍湯風味濃郁，赤海蝦配埋蝦片食口感豐富～鮟鱇魚肝天婦羅🥢餐牌原本寫係黃瓜花天婦羅，不過今日改咗做鮟鱇魚肝天婦羅，鮟鱇魚肝以天婦羅嘅形式烹調都係第一次食，估唔到一啲都唔膩，相信係粉衣同炸嘅時間都做得好，食落仲有少少似食緊鵝肝咁，同旁邊嘅明太子忌廉芝士都好夾👍和牛舌👅慢煮嘅和牛舌好軟腍，輕輕就咬得開，調味主要來自上面嘅配料，乾蔥漬嘅酸甜令整道菜好開胃！鮮鮑魚淺蜊富山米意大利飯🍚依款米大有來頭，係富山嘅富富富米，鮑魚用醬油煮得入味，鮑魚肝醬為依個飯額外提升鮮味🆙烤穴子🐟穴子要燒半個鐘，皮脆肉滑，魚肉厚身富油香，上面嘅柚子山椒粉同底下嘅辣番茄汁既可以中和油膩感，又可以刺激味蕾🍅日本A5和牛配味噌大根🐂依道菜用咗比較嫩嘅牛腰部位，中間好粉嫩，最特別嘅係蠔豉昆布醬，係好創新嘅配搭～去到甜品依然充滿驚喜，小倉紅豆castella有多個層次而且有酒香，之後仲有四小味甜品，樣樣嘅賣相都好精緻吸引，而且貫徹日本mix意大利嘅風格，紫蘇花配brownie、栗子配canele等，留下深刻
一開始有三個開胃小菜，巴馬火腿甜瓜出汁啫喱嘅味道balance得好好，帆立貝青瓜凍湯風味濃郁，赤海蝦配埋蝦片食口感豐富～
鮟鱇魚肝天婦羅🥢餐牌原本寫係黃瓜花天婦羅，不過今日改咗做鮟鱇魚肝天婦羅，鮟鱇魚肝以天婦羅嘅形式烹調都係第一次食，估唔到一啲都唔膩，相信係粉衣同炸嘅時間都做得好，食落仲有少少似食緊鵝肝咁，同旁邊嘅明太子忌廉芝士都好夾👍
和牛舌👅慢煮嘅和牛舌好軟腍，輕輕就咬得開，調味主要來自上面嘅配料，乾蔥漬嘅酸甜令整道菜好開胃！
鮮鮑魚淺蜊富山米意大利飯🍚依款米大有來頭，係富山嘅富富富米，鮑魚用醬油煮得入味，鮑魚肝醬為依個飯額外提升鮮味🆙
烤穴子🐟穴子要燒半個鐘，皮脆肉滑，魚肉厚身富油香，上面嘅柚子山椒粉同底下嘅辣番茄汁既可以中和油膩感，又可以刺激味蕾🍅
日本A5和牛配味噌大根🐂依道菜用咗比較嫩嘅牛腰部位，中間好粉嫩，最特別嘅係蠔豉昆布醬，係好創新嘅配搭～
去到甜品依然充滿驚喜，小倉紅豆castella有多個層次而且有酒香，之後仲有四小味甜品，樣樣嘅賣相都好精緻吸引，而且貫徹日本mix意大利嘅風格，紫蘇花配brownie、栗子配canele等，留下深刻印象😋
Post
