手作功夫茶 (京瑞廣場1期)

Open Now

Now Closed

今日約咗閨蜜係京瑞廣場食飯，食完之後我見到有超好味嘅手工功夫茶！就算食得幾飽都好，我哋都一定要買嚟飲😍-🧀芝士奶蓋鐵觀音少冰，無蜜🥛-芝士🧀同牛奶🥛味非常香濃，同鐵觀音出奇地夾，唔會覺得好漏。配搭埋一齊之後，味道變得更加豐富。可能因為走糖嘅關係，反而變得更突顯出茶嘅味道。真係值得一試！-🍊柚香晶球綠茶少冰🍵-次次都一定係叫佢。大大杯又好飲 ！🍊柚子味好清新，加埋清涼嘅綠茶🍵同晶球。每一啖飲入口都有勁多蘆薈晶球。口感好豐富。味道酸酸甜甜，超正。完全可以做到解渴嘅效果！岩哂鍾意飲水果茶嘅我。不過最有驚喜嘅一定係佢每一間分店嘅水準都keep得超好。唔會覺得有落差。唔怪得之成日都有咁多人排隊！