Video
Read full review
2022-12-15
108 views
精緻細膩刀功🦐蝦油蝦膏牡丹蝦🥩極驚喜和牛面頰！-食壽司，師傅刀功決定魚料口感，例如彈性、厚薄、軟硬。小店走傳統路線，唔需要花巧嘅噱頭，師傅嘅細膩刀功同調味，已經完美呈現出魚料樸實鮮味。拉去第2第3幅相睇睇，真係雕刻成藝術品咁，件件入口令人難忘，如果大家追求壽司水準，田中真係超推薦呢間。-🍱おまかせ ($1480/$1780)而Lunch Omakase就係$880，或者有其他$268起嘅定食，而師傅方面，田中果日係大將Mark師傅。前菜🥢黑梅貝、紫菜明太子天婦羅、黑海蜇胡瓜醋前菜由鮮甜至醋酸，慢慢喚醒味蕾，其中黑梅貝軟腍入味，又唔會過度調味，第一道已經有驚喜。🥢北海道仙鳳趾真蠔刺身🥢真鯛 (姬蔥)🥢鰤魚 (柚子胡椒)兩種近期超當造嘅鮮魚，而冬天更加係必食鰤魚，口感細嫩又肥美，脂香都溶化口腔中，而且特別鮮甜。🥢梭子魚(柚子酸汁 芝麻碎 博多蔥)🥢大拖羅必有嘅野生大拖羅，但呢到特登保留頂部筋位，只有輕輕火炙筋位，油分更重，入口即溶之餘，又有油香爽彈筋位。🥢火炙金目鯛背部 & 腹部 (博多薑蔥蓉)🥢鱈魚白子 (酸汁)-和食🥢和牛面頰用上刁鑽嘅面頰部位，紋理細膩，軟腍而油脂濃厚，帶有膠質，配上
-
食壽司，師傅刀功決定魚料口感，例如彈性、厚薄、軟硬。小店走傳統路線，唔需要花巧嘅噱頭，師傅嘅細膩刀功同調味，已經完美呈現出魚料樸實鮮味。
拉去第2第3幅相睇睇，真係雕刻成藝術品咁，件件入口令人難忘，如果大家追求壽司水準，田中真係超推薦呢間。
-
🍱おまかせ ($1480/$1780)
而Lunch Omakase就係$880，或者有其他$268起嘅定食，而師傅方面，田中果日係大將Mark師傅。
前菜
🥢黑梅貝、紫菜明太子天婦羅、黑海蜇胡瓜醋
前菜由鮮甜至醋酸，慢慢喚醒味蕾，其中黑梅貝軟腍入味，又唔會過度調味，第一道已經有驚喜。
🥢北海道仙鳳趾真蠔
刺身
🥢真鯛 (姬蔥)
🥢鰤魚 (柚子胡椒)
兩種近期超當造嘅鮮魚，而冬天更加係必食鰤魚，口感細嫩又肥美，脂香都溶化口腔中，而且特別鮮甜。
🥢梭子魚(柚子酸汁 芝麻碎 博多蔥)
🥢大拖羅
必有嘅野生大拖羅，但呢到特登保留頂部筋位，只有輕輕火炙筋位，油分更重，入口即溶之餘，又有油香爽彈筋位。
🥢火炙金目鯛背部 & 腹部 (博多薑蔥蓉)
🥢鱈魚白子 (酸汁)
-
和食
🥢和牛面頰
用上刁鑽嘅面頰部位，紋理細膩，軟腍而油脂濃厚，帶有膠質，配上微甜醬汁，絕對係人間美食。
🥢吞拿魚下巴
同樣罕有刁鑽嘅下巴部位，更少有地立體厚切上，内外都極為香嫩，非常非常肥美。
🥢肝醬鮑魚
常見嘅肝醬鮑魚，但呢款有啲唔同，預先將鮑魚同肝醬拌好，鮮中帶甜，恰到好處嘅調味，亦係呢到令人難忘嘅地方。
壽司
🥢石垣貝
🥢赤貝
兩款貝類都非常新鮮，上枱依然繼續跳動收縮，而外形更加驚喜，赤貝猶如鳳凰展翅，入口更加爽彈Juicy。
🥢縞鰺
係田中見過切得最靚嘅深海池魚，晶螢通透之餘，層次分明，厚薄剛好，而且切成長身更顯得師傅足料。
🥢池魚
🥢秋刀魚
近期當造時令嘅秋刀，特別肥美，但重點係師傅刀法極為精準，每格方格都大小一致，口感亦更綿滑。
🥢赤鯥
一向出名鮮甜嘅赤鯥，魚皮切得比例剛好，經過微微火炙後，更突出魚油脂香，鋪上日本京蔥，精緻如一頂皇冠。
🥢北海道馬糞海膽
🥢牡丹蝦
蝦殼磨粉再做成蝦油，混上濃郁蝦膏，調味剛好，入口完全係一試難忘，係田中食過最好食嘅牡丹蝦。
🥢蔥花拖羅蓉手卷
🥢鯛魚湯
🥢時令水果 - 靜岡蜜瓜
Post
