The Envoy (Closed)

位置係酒店3樓容易搵，服務員態度非常好，安排我哋坐窗邊位置，更細心為每位客人推介唔同飲品，見有小朋友推介Dinosaur 朱古力華田特飲，原來佢哋bar tander出名為客人即制特飲，按個人喜好真係好細心，餐前飲一杯即刻開胃。之後介紹幾款小食，各有特色，最愛田鴨卷及印式牛油果醬😋我哋點咗4個主菜，牛扒5成熟配醬汁更特出肉味，羊架不過不失。最後3款甜品其中最愛朱古力香蕉蛋糕🍰及Brownie with Salty ice cream。今次落大雨坐室內，下次坐室外享受園林景色更怡人。