西關粥品 (Closed)

自從睇雜誌介紹西關仲有古早製法的粉仔（不是烏冬），又食過，證實係堅o既之後，我不時會抽起條筋入元朗整番碗。今日山長水遠入天水圍補習，我特登早啲出門，在元朗落車食返碗。照例一坐低就柯打，但叫完揭一揭餐牌，至知它又加咗價！我由18蚊食到而家30蚊！4年唔夠，加價60%！ 加得你價，配菜確係多咗。呢度的粉仔不嬲都唔止有豬油渣，仲有叉燒絲、蛋絲、土魷絲、冬菇、蝦米、豬皮和鯪魚餅條，加咗價之後，呢堆配菜的份量多咗，粉仔本身一樣軟軟糯糯，其中杰杰哋的湯底更是靈魂，是我童年回憶的核心~但我想講其實粉仔根本唔需要落咁多配料，唔需要整到咁豪華，你用落多啲料作為加價的補償，我唔受囉~我記得小時候食小販檔粉仔，最正就是個湯，個湯底會一路keep住杰杰哋，唔會食到尾散晒、變水o既。研發好個湯底至加價，我就服囉，但依家就未必會再幫襯了~