Video
Read full review
2015-08-06
485 views
頭先響whatsapp同朋友傾計話想飲茶，攪到我又想食點心，晚上會議由6點半，改至7點半，最後又延遲至8點半，所以有時間揾啲嘢食下，經過佐敦道10號，粗菜館已結業，現為一間點心食店，華膳正點，稱正宗香港製造、健康、無添加........可能新開關係，人客不多，坐低點了幾款點心加一罐可樂，而食腸粉同餃類較能看出食物質素，另外此店之點心是不便宜的，點心由$19之小點至最貴$52之美點不等，還有$32的蒸㷛仔飯，而茶位亦要每位$5(坊間好多點心專門店之茶位通常收$2至$3一位)，還要加一服務費，除見廚房點心師傅約二、三十歲外，其他服務員，包括經理眼見五十歲以上，是社企餐廳？本身想點特點($34)之原隻鮮蝦翡翠腸粉，但回覆賣哂，又原來全張點心紙最平之小點只有兩款，$19，是鹹點上素翡翠餃同甜品千層紅棗糕；而最貴之美點是鮑汁鳳爪，$52，最衰我係一個窮鬼，唔係一定叫嚟試下。上素翡翠餃(小點:$19)，是素食所以比較淡我無意見，值得一讚是皮做得不錯，算薄又算晶瑩通透，煙煙韌韌，餡是足料的，所以辣椒油又發揮咗佢嘅作用。鵝肝醬咸水角(中點:$26)，完全食唔到鵝肝醬味，跟普通咸水角沒有分別，外面是炸得
頭先響whatsapp同朋友傾計話想飲茶，攪到我又想食點心，晚上會議由6點半，改至7點半，最後又延遲至8點半，所以有時間揾啲嘢食下，經過佐敦道10號，粗菜館已結業，現為一間點心食店，華膳正點，稱正宗香港製造、健康、無添加........
可能新開關係，人客不多，坐低點了幾款點心加一罐可樂，而食腸粉同餃類較能看出食物質素，另外此店之點心是不便宜的，點心由$19之小點至最貴$52之美點不等，還有$32的蒸㷛仔飯，而茶位亦要每位$5(坊間好多點心專門店之茶位通常收$2至$3一位)，還要加一服務費，除見廚房點心師傅約二、三十歲外，其他服務員，包括經理眼見五十歲以上，是社企餐廳？
本身想點特點($34)之原隻鮮蝦翡翠腸粉，但回覆賣哂，又原來全張點心紙最平之小點只有兩款，$19，是鹹點上素翡翠餃同甜品千層紅棗糕；而最貴之美點是鮑汁鳳爪，$52，最衰我係一個窮鬼，唔係一定叫嚟試下。
上素翡翠餃(小點:$19)，是素食所以比較淡我無意見，值得一讚是皮做得不錯，算薄又算晶瑩通透，煙煙韌韌，餡是足料的，所以辣椒油又發揮咗佢嘅作用。
鵝肝醬咸水角(中點:$26)，完全食唔到鵝肝醬味，跟普通咸水角沒有分別，外面是炸得不錯的，但裏面餡料份量極少。
鮮淮山蒸排骨(大點:$30)，識我都知我好鍾意食蒸排骨，如果響屋企煮十次飯，九次都一定有蒸排骨，其實除非蒸得超過火，否則半肥瘦之排骨好難蒸到好鞋同難食，呢碟排骨有一半係鞋的，有一半合格，又未至於難食。
號稱即叫即蒸，新鮮烹調，須時約15-20分鐘，但其實10分鐘內已全部點心到齊，三款點心、一罐可樂、茶位連加一，埋單$99，值不值就見仁見智，希望遲啲食物質素會好些，加油！
Post
