燒乜 (Closed)

週末約了三五知己午膳，楝選了一間日式料理店，有半自助午餐，價錢幾實惠，適合大夥兒。由於中環區，週末人流少，坐得可輕鬆自如。前菜，沙律是自助的，款式不多，由於之前有一枱客人取先，所淨無幾，唯有叫店員加添，愛理不理的態度，等了好耐先加一兩樣，仲係添一少一小撮，午市剛開，為何己冇咩嘢選擇呢？既然做得自助形式，點解要吝嗇？沙律菜是新鮮翠綠，関東煮蘿蔔入味，吃了兩件想再吃，己沒有加添，真比佢氣死！墨魚小丸子熱辣辣，可惜只有粉團，完全冇墨魚粒。至於其他伴飯漬物還可以。主菜選了牛肉壽喜燒丼。賣相ok!一隻溫泉蛋流心，混入飯內，非常好味。牛肉塊比較實，入口不軟熟，調味方面就ok。蒸蛋有意外的驚喜。滑溜有蛋香。整體水準中等，希望可改善一下加添自助吧枱食物的速度。