燒味滷師 (富榮花園) (Closed)

呢間燒味滷師分店係正奧海城隔離，幫屋企加餸好方便！🦢至尊燒鵝(上庄) $110肉油香味重但肥肉油脂唔會太多，配埋酸梅醬更開胃、減低膩口感。肉多骨少🦴，而且脆皮面好香口🤤。🐷燒味佬叉燒 $40肥瘦相間，肉質軟，入口蜜汁香甜。份量幾多，啱晒送飯。🧂客家鹽焗雞(半隻) $35好抵食！味道鹹香，雞皮同雞肉都幾嫩滑，而且雞皮下面嘅油脂唔多，食落都無咁邪惡😈。🐔泰式鳳爪 $45佢地雖然係燒味舖，但估唔到泰菜🇹🇭都幾好味。無骨鳳爪口感爽脆，酸辣開胃，仲配埋青瓜。佢地仲有賣飯盒，見午餐時段好多人排隊。員工做嘢幾快手，唔使點等。