燒味滷師 (富榮花園) (Closed)

💖燒味滷師越來越多間，旺角呢間幾近奧海城同地鐵站，又多左個地方買外賣🥡加餸！1️⃣至尊燒鵝(上庄)🦢 $110💖阿媽至愛😹，每次必食！肉肥又帶油香味，脆皮令面幾香口。配埋酸梅醬更開胃，balance番肥膩口感。2⃣️燒味佬叉燒🐷 $30💖份量多好抵食。蜜汁香甜，肉質有咬口，肥瘦相間，加餸必食🤤。3⃣️客家鹽焗雞(半隻)🐔 $30💖半隻$30幾抵食，份量多而且雞件嫩，食落鹹香唔會太油膩。4️⃣泰式鳳爪🇹🇭 $45💖估唔到呢度都有泰式鳳爪！無骨🦴食起來好爽脆，冰涼🧊食起黎更開胃清新，另外仲有啲青瓜片🥒。💖佢地仲有賣燒味飯，$22一盒做午餐夠飽又抵。伙計做嘢好快手，等幾分鐘就有。