尋味館

Open Now

Now Closed

好耐無返爸媽屋企食飯，趁今日有啲空閒就扮吓乖囡。雖然話返自己屋企，但都無理由兩手揈揈，都係要加返兩味。去觀塘搭車，行經駱駝漆大廈，見到呢間尋味館有唔少選擇，只係做外賣，岩啦！門口和落單位都放咗大量點菜紙和餐牌，唔好睇佢店小小，選擇多多架！有金牌滷水小食、飯類、港式滋味、烤焗美食、香炸小食、沙律、套餐、日式小食、台灣美食、午巿套餐、凍熱特飲等等，真係厲害！揀咗半隻招牌黑椒豬手和半磅滷水牛筋，兩份都唔少，應該夠食。招牌黑椒豬手（$45/半隻）已切件，啖啖肉，連埋厚厚的豬皮和筋膜，煙煙韌韌，好有咬口，味道就鹹香帶啲黑椒辛辣，幾惹味！滷水牛筋（$45/半磅）都滷得入味，切開咗一件件，有啲有咬口，亦有啲係腍滑，用來送飯唔錯！另要了特色熱飲黑糖紅棗薑絲茶（$12），點解咁補，皆因我近排血補不足，希望有幫忙啦！估唔到係樽仔裝，賣相得出，仲方便外帶，好！拎上手就知真係好夠熱，見到有唔少紅棗片，好有紅棗香，甜度又岩岩好，如果多些薑絲，辛辣味重啲就更好啦！