Video
Read full review
2021-02-13
976 views
年三十晚，食團年飯，但好夜先收工煮唔切，搭到返土瓜灣諗住去斬料就算，好好彩係落車巴士站見到有間食店大排長龍，見到十多人排隊，一於今晚都試下。店舖名叫三多美食，係玻璃櫥窗望入去見到都好多款式嘅飯餸揀，唔駛數都肯定有三十款揀。價錢相當抵，三餸飯都只係$36, 仲可以加$2要豆漿/例湯！抵到爛見寫住新年日日都開，又唔加價，真係好有良心👍絕對要大讚。我地加左二碗湯，今日係木瓜湯，好清甜，飲落應該冇味精，但好足料煲，所以好濃味，兩個囡囡一人一碗飲清光，係甘話好飲。我都係飲左一啖咋😅而我地揀左好多餸，鲩魚，牛柳粒，蘿蔔牛腩，金針雲耳雞，茄子， 麻婆豆腐，酸菜豬肚，咕嚕肉啲餸菜都好大路，小朋友同大人都岩食。而跟飯本身都好大盒，一盒都夠一個大人加一個小朋友食。本月優惠，揀鯇魚同梅菜扣唔使加錢，所以梗係要揀鯇魚，好大舊，好香豆豉味，魚肉滑。愛食牛既我就揀左牛柳粒，牛柳粒入面仲有啲三色椒同薯仔，個醬汁好食，牛柳粒都好入味。蘿蔔牛腩又係我中意食，蘿蔔炆到入晒味，連老公都話好食，牛腩偏瘦但又唔老。金針雲耳雞，啲雞件大大嚿又嫩滑，加左金針同雲耳，小朋友都好中意食。茄子煮到好冧，再加啲肉碎，用黎撈飯就最岩，中意佢
店舖名叫三多美食，係玻璃櫥窗望入去見到都好多款式嘅飯餸揀，唔駛數都肯定有三十款揀。
價錢相當抵，三餸飯都只係$36, 仲可以加$2要豆漿/例湯！抵到爛
見寫住新年日日都開，又唔加價，真係好有良心👍絕對要大讚。
我地加左二碗湯，今日係木瓜湯，好清甜，飲落應該冇味精，但好足料煲，所以好濃味，兩個囡囡一人一碗飲清光，係甘話好飲。我都係飲左一啖咋😅
而我地揀左好多餸，鲩魚，牛柳粒，蘿蔔牛腩，金針雲耳雞，茄子， 麻婆豆腐，酸菜豬肚，咕嚕肉
啲餸菜都好大路，小朋友同大人都岩食。而跟飯本身都好大盒，一盒都夠一個大人加一個小朋友食。
本月優惠，揀鯇魚同梅菜扣唔使加錢，所以梗係要揀鯇魚，好大舊，好香豆豉味，魚肉滑。
愛食牛既我就揀左牛柳粒，牛柳粒入面仲有啲三色椒同薯仔，個醬汁好食，牛柳粒都好入味。
蘿蔔牛腩又係我中意食，蘿蔔炆到入晒味，連老公都話好食，牛腩偏瘦但又唔老。
金針雲耳雞，啲雞件大大嚿又嫩滑，加左金針同雲耳，小朋友都好中意食。
茄子煮到好冧，再加啲肉碎，用黎撈飯就最岩，中意佢唔辣。😋
麻婆豆腐，食落豆腐有驚喜，好滑，同飯一齊食真係有驚喜，要試下，老公嫌唔夠，話下次要再點呢個做單餸添！
酸菜豬肚，見呢個係必點推介。所以都叫左啲試下。豬肚鮮香爽口，加埋酸菜好開胃。同要煮豬肚好考功夫嫁！所以都係出去食吧。
下次唔想煮飯，又想有多啲餸就可以有多個選擇啦😋
Post
