燒味滷師 (大廈街)

Open Now

Now Closed

加餸啦喂!放工返嚟要煮飯, 真係好攰, 唔想煮嘅話就要加餸! 呢間係屋企附近嘅燒味店, 每次放工經過都見到好多人喺度排隊買燒味飯🍚, 原因一個字 - 平!😆今日就買咗幾款燒味加餸🥢, 再加個小食。 呢間店舖有好多間分店, 全部燒味都係自己工場出品, 亦都有批發, 零售同預訂! 至尊燒鵝 (1/4隻)上庒 - $110燒鵝🦢賣相好吸引, 皮脆肉嫩, 啖啖肉, 好香鵝味, 師傅特登分開一包鹵水汁比我地, 等我地食前先淋上去。 有鹵水汁嘅香味, 再點梅子醬食, 味道一流! 😋燒味佬叉燒 (半斤) - $40叉燒🥓睇到都好想食, 切得厚薄適中, 肥瘦適中, 燒得仲好香甜, 每一件都好juicy, 一啲都唔乾, 配飯🍚一流! 客家鹽焗雞 (半隻) - $30鹽焗雞🍗雖然得半隻, 但都好大隻, 皮薄肉嫩, 調味得啱啱好, 唔使蔥油都夠哂味! 泰式鳳爪拼海蜇 - $45鳳爪非常之爽脆, 又有咬口, 配埋泰式酸辣汁, 酸酸甜甜好醒胃, 隻隻都好入味! 海蜇好爽口又彈牙, 仲有好香嘅麻油味👍🏻燒味價錢實惠👍🏻, 真係值得試下! 😊舖名: 燒味滷師 (大廈街店)地址: 荃灣大窩口大廈街17A號地下#