瀛豐放題料理專門店 (Moved) New Location

首先，餐廳環境好細，啲枱擺到好逼，坐得勁唔舒服，仲要搭枱，畀得呢個價錢唔expect 係咁。🥲其次，啲野食選擇好少，刺身、壽司質素好差，衰過爭鮮。熟食都唔掂，叫左芝麻雞翼，入面係未熟，炸雞軟骨又未炸透，辣酒煮花螺好腥🤮🤮，啲泰式菜式又唔入味，淨係食到面頭嘅調味料味，件食材好似無預先醃過咁，同埋好冇火喉。另外，特登加錢升級左任食海膽帶子同生蠔🦪，全晚得啲生蠔叫做不過不失，海膽帶子同宣傳圖唔同，帶子又細粒海膽又少。最後，自助飲品區同甜品區選擇都係好少，完全唔會再嚟多次。