Video
Read full review
2021-04-02
834 views
🚨建議所有想試呢間野嘅人入嚟睇一睇先🚨-今晚想食川菜，於是開咗OpenRice嚟睇，發覺呢間川菜館正評一面倒，睇睇個餐牌，價錢又公道，就過咗嚟試。去到發現兩間分店都有大把人排隊，更加有信心同期待。-一坐低，望到個格局幾似大陸啲餐廳，餐牌又係大陸式設計，好似好正宗咁。見大家都推薦酸菜魚，就嗌咗個中辣嘅嚟試，我地揀咗$192嘅鱸魚，另加中辣嘅麻辣蕨菜，打算好味嘅再加餸。嗌完等咗廿分鐘乜都無嚟，隔離枱遲過我地都到晒，就叫服務員過嚟催催佢，點知佢check完單返嚟一句唔好意思都無，仲好囂張咁問我地要乜，再同我地落🤷🏻♀️🤷🏻♀️🤷🏻♀️-再等多廿分鐘，三催四請之下，終於有嘢嚟，本身諗住佢嘢食好味嘅服務差少少都算數，點知一望個酸菜魚😀中辣？個湯淡到無色咁濟，舀一啖放入口，咸到即刻吐出嚟，中咸定中辣呀？零湯底可言，勁重胡椒粉味同某即食麵牌子嘅調味粉味，咸到根本無辦法放到入口，食一啖成條脷都係味精，喪飲王老吉都唔掂，更加唔好講話配飯食！啲魚肉又係得個咸字，完全唔掂，唔知佢整到咁咸係咪想掩飾啲咩！加上佢個酸菜魚太老實，真係得酸菜同魚🤷🏻♀️出面啲川菜館都話跟配料，佢呢到？跟味精同鈉啦😀-麻辣蕨菜一如作
-
今晚想食川菜，於是開咗OpenRice嚟睇，發覺呢間川菜館正評一面倒，睇睇個餐牌，價錢又公道，就過咗嚟試。去到發現兩間分店都有大把人排隊，更加有信心同期待。
-
一坐低，望到個格局幾似大陸啲餐廳，餐牌又係大陸式設計，好似好正宗咁。見大家都推薦酸菜魚，就嗌咗個中辣嘅嚟試，我地揀咗$192嘅鱸魚，另加中辣嘅麻辣蕨菜，打算好味嘅再加餸。嗌完等咗廿分鐘乜都無嚟，隔離枱遲過我地都到晒，就叫服務員過嚟催催佢，點知佢check完單返嚟一句唔好意思都無，仲好囂張咁問我地要乜，再同我地落🤷🏻♀️🤷🏻♀️🤷🏻♀️
-
再等多廿分鐘，三催四請之下，終於有嘢嚟，本身諗住佢嘢食好味嘅服務差少少都算數，點知一望個酸菜魚😀中辣？個湯淡到無色咁濟，舀一啖放入口，咸到即刻吐出嚟，中咸定中辣呀？零湯底可言，勁重胡椒粉味同某即食麵牌子嘅調味粉味，咸到根本無辦法放到入口，食一啖成條脷都係味精，喪飲王老吉都唔掂，更加唔好講話配飯食！啲魚肉又係得個咸字，完全唔掂，唔知佢整到咁咸係咪想掩飾啲咩！加上佢個酸菜魚太老實，真係得酸菜同魚🤷🏻♀️出面啲川菜館都話跟配料，佢呢到？跟味精同鈉啦😀-
麻辣蕨菜一如作風！死咸！個汁都叫可接受嘅，係普通涼拌汁，但啲蕨菜仲食到白烚嘅味，完全撈唔到啲汁。
-
鋪頭無比過單我地，同樣地埋單都要三催四請班尊貴嘅姐姐，佢地先請你去收銀處埋單！最諷刺嘅係，零服務兼受氣嘅質素竟然要收服務費，哈哈，埋單$312，我地食淨7成，驚再食落去要使錢清腎結石。
-
總括嚟講，呢間嘢最好味嘅就係王老吉，不過都盛惠$18一罐😀本人係川菜狂迷，佢係我食過嘅鋪頭中最難食嘅（沒有之一），完全不能食用，想試伏嘅首推呢間👍🏻
Post
