東大門韓國料理 (Closed)

首先第一樣嘢早起食物類別少，擺盤核突，啲肉好似用手拿出嚟俾你咁。唔講唔知以為係上一台食剩嘅。其次就係，湯同埋炸物仲有菜完全係唔新鮮同埋凍哂。冧嘅，涼嘅，未熟嘅。最後都係因為個死人服務態度，搞到我咁鬼嬲。入到去一個餐廳得兩枱，仲有幾十個座位，但係佢哋就好似好鬼忙，咁樣完全唔俾人哋問嘢。我想問吓個份量，就喺度窒住晒話，得啦你叫啦。仲有就係佢哋得閒傾偈，完全唔會服務我哋，我想叫佢換咗個爐等咗成10分鐘。仲有就係韓國餐廳，以為會有啲韓國嘅味道，結果全部都係普通話。