三清洞摩西 (Closed)

其實尼間分店開左好耐，不過lunch time就冇咩人，好岩成大班朋友去食，因為夠靜可以傾計，仲可以多d人share，因為份量真係好多！是次5個人叫左4人餐，可以㨂4款年糕，咁就叫左芝士、牛肉、海鮮同埋部隊鍋年糕，個鍋一黎到真係大到嚇一跳，睇圖可以對比到佢同罐野飲既分別有幾大！好足料，不過d年糕唔夠軟，可能因為個鍋太大，火加唔夠分佈平均。除左年糕，仲有小食、2款麵，小食㨂左紫菜卷，係一舊紫菜包住d粉絲，面頭查左d炸漿，因為冇咩特別，所以冇up到相。個餐仲包左個炒飯，可以加10蚊轉芝士炒飯，反正都係肥，咁就唔好俾佢停，緊係㨂芝士炒飯啦！d芝士多到不得了，好似蜘蛛網咁！個飯仲有d粟米同紫菜，仲有d甜甜地既醬汁，好肥呀！飽到不得了，5個人都食唔晒個4人餐我地仲叫多左個炭烤豬肉紫菜包飯，貪佢係店鋪top 1, 個卷真係好大，目測直徑有8-10cm,,一碟有成十幾件，68蚊真係抵！個卷既炭烤味係咁d豬肉個道黎，舊肉真係好炭燒味！而且好足料，每舊都包得好實，真係值得一試！