韓一石頭鍋 (Moved) New Location

一D韓國味都無, 前菜小食都唔係韓式嘅,最基本的kimchi都怪怪味, 叫咗個二人餐唸住加個炒粉絲(有大細分嘅), 問個侍應細大約係幾大, 佢就答例牌囉, 咁我再問例牌則係幾大呀, 佢就答夠架啦, 夠兩個人食架啦..... >.< 真係比佢激死, 我哋係好大食而且當時好肚餓, 平時一大圓碟的炒粉絲我自己都可以食哂, 佢鬼知我夠唔夠食咩. 不過好彩我哋都係叫咗個細(只是一個長方碟, 就好似放sushi嗰種) 因為係難食到食咗兩啖就放棄了, 味道就有D似乾炒牛河, 我知炒粉絲係油但佢D油多到呢就只係食到D油味, 仲可以見到D粉絲係比油浸住囉, 跟餐嗰碟炒雜菜又係同一個味~就係油味>.<......嗰個豆腐煲呢, D豆腐就涷嘅, 上面就加咗一D攪咗李X記麻婆豆腐醬嘅肉上去. 同屋企自己煮冇咩分辨只係欠個熱鍋.石頭飯就仲離譜, 全陪都係飯焦一粒軟嘅飯都食唔到, 就好似食嗰D"童星"麵咁.結果我同我老公都食唔飽, 要去商場一人食底雞蛋仔先飽. (呢檔九龍城商場雞蛋仔真是值得推介, 有時我哋都會特登坐車來食, 比起尖沙咀排長龍個間好食得多)