香港仔君豪魚蛋王 (Closed)

西環良久以來就話係潮州人聚居既地方(到底我係點解會知🤔)所以有好多潮食，打流、滷水鵝、潮式粉麵，香港仔君豪魚蛋皇打住魚蛋皇既稱號，一於試下有幾皇招牌巴閉，舖面正正常常啦，唔算大但位都唔迫，開放式廚房見到師傅整麵，幾好餐廳聲稱自設工場，湯底有豬骨、老雞、魚骨等，有齊潮州四寶，牛腩、雜個啲，都算係齊既試下潮州四寶麵先，包左招牌魚蛋、豬肉丸、粗丸、片頭同潮式扎肉(四寶？)，魚蛋幾彈牙口感唔錯有魚味，唔會好粉咁，豬肉丸、粗丸同湯底都係普普通通，唔係唔好味但無咩特別潮式扎肉有驚喜，質地腍，味道好而有肉汁，加埋潮州辣椒油食一流！另一碗試左佢既牛，揀左牛肚麵，有料到佢既牛肚唔係一條條細個啲，切得大大塊，令到口感非常好，滿足感大大提升，加埋湯底加腩汁味好正配埋潮州辣椒油食左先仲正，佢既潮州辣椒油都唔差，幾香而有蒜同炒椒味幼麵底彈牙，蛋味、硯水味都唔太覺，整體都算幾好啦果然係西環食潮式野都普遍幾ok，價錢係粉麵黎講唔平，自決啦#中途有人放低二百蚊買淨雜#搵食艱難要賣埋雞飯#老闆一直飲住啤酒爽