響日本燒肉 (Closed)

放一個星期大假一樣同朋友仔暴飲暴食😛😛烤肉一定唔少得，去咗銅鑼灣呢間好出名嘅烤肉店。入到去環境好企理，座位乾淨坐得舒服😌食左78品，款式都好多好夠食坐底一陣，店員就會遞上刺身拼盤同燒肉拼盤。刺身拼盤：一入口已經覺得呢度嘅刺身比一般放題優質，大部份刺身都有，近十款。三文魚、帶子、劍魚腩、北寄貝、仲有生蠔！刺身每件都比較大，啖啖肉✨✨ 顏色靚有光澤，新鮮～燒肉拼盤方面，餐廳預先就拎咗個頭盤出黎，一格格食物都附上名稱的標籤☺️見到擺盤的用心和貼心，牛肉以澳洲和牛為主!!! 有牛胸腹、西冷肉眼、豚肉等等，油花豐富呈霜降紋路，口感軟嫩，燒熱後溢出的油脂香氣撲鼻✨✨✨生薑汁澳洲肥牛薄燒係我最推介，醬汁好夠味，因為肥牛脂肪較多，一放落去燒就會好搶火😛咬落去非常軟，而且脂肪味香濃，好正！天婦羅食咗蟹棒、南瓜、老天等等，基本上講得出都有，呢間燒肉店連天婦羅都做得好好，炸粉好薄但極脆！仲食左個泡菜鍋過口癮，入面有炸三文魚、菜、菇類，份量唔多，啱晒放題想過口癮嘅朋友，唔會好似有啲放題個鍋勁大份等你食唔落其他😌最後仲有好多movenpick、Dreyers 雪糕、日本清酒任飲任食😌😌