漁匠料理 (Closed)

近排日本水紙高左，又好耐無去日本旅行，唯有食下日本野頂癮（好似係藉口，哈哈），今次就入左上水搵朋友兼食好西。我地6點鐘左右到左都唔係好多人，侍應嬸嬸好有笑容，即刻安排我地坐卡位。海蝦天婦羅（$68）一客有6隻，分量都幾多，上葉時熱騰騰，咬開就有少少失望，炸粉略嫌過多。大根鵝肝（$45件）上菜時侍應特意提醒好似漢堡包甘食，鵝肝平常好少食，蘿白煮好諗，索晒湯汁味，可以互相中和，味道不錯。鰻魚飯（$88）飯盒上配有蛋絲同菜，鰻魚味道鮮美，肉質爽滑，飯配上鰻魚汁價值無得頂。牛乳布丁（$18）朋友覺得有淡淡牛奶味，甜度岩岩好，我自已就鐘意奶味重一點。