紅茶冰室 (Closed)

上次食完唔記得寫食評，今次特登再去一次因為覺得真係唔錯。價錢嚟講性價比絕對係高，今次嗌嘅係香港代表食物沙嗲牛肉麵同埋蛋撻，加多一杯奶茶。沙嗲牛肉麵整體嚟講唔錯，唯獨花生味唔係好食到，醬汁都算係濃厚。酥皮蛋撻都係好食。唯一一樣可能要話嘅就係個多士佢係連埋牛油上，對於唔食牛油嘅人嚟講可能唔係唔咁方便，又或者可能要叫佢分開上。奶茶都算OK。一食完出嚟就已經見到有條隊大概有10個人，證明呢一間茶記都算係好受歡迎。因為其實佢座位都說唔少間鋪都係大嘅。埋單$65。