Video
Read full review
2023-03-05
40 views
《 西環特色餐廳勁多打卡位復古古宅 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧首先我第一次見到個餐廳名嘅時候，都估到呢間餐廳唔係咁普通。入到餐廳門口第一眼嘅感覺好似Cafe，但係上到樓上見丁一條長長樓梯嘅時候，有好多藝術品，又有一種異國民族風，又有種神秘嘅復古古宅風，真係勁多打卡位，入到嚟別有洞天，真係估佢唔到。青檸凍蜆 $118炒蜆砌似到成個蓮花一樣，蜆肉新鮮又爽口，醬汁係泰式酸辣醬，有青靈嘅味道，所以好開胃。火炙油甘魚薄片 $108油甘魚經過火槍逼出油脂，上面再放上三文魚籽，鮨香味令人回味無窮。香煎鴨肝配封門牛柳 $278首先鴨肝一啖咬落去入口即溶，成個口都係油脂香。令外封門牛柳係厚切，3成熟就啱啱好可以鎖住肉汁，食落牛肉味好香濃，口感又軟腍。抹茶燒羊架 $258足足有兩隻手掌咁大嘅燒羊架，食之前要滴管注入醬汁。羊架先用抹茶醃製再拎去燒，外皮燒到微微焦香，內層肉質依然鮮嫩多汁，抹茶可以中和羊嘅騷味，食完又有抹茶嘅回甘。冇諗到抹茶同羊架又會咁合拍！Out Of The Dark $96青色嘅香檳杯cocktail，酒底用左Tequila，再加入多款清新嘅菠蘿汁、青檸汁，最後
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
首先我第一次見到個餐廳名嘅時候，都估到呢間餐廳唔係咁普通。入到餐廳門口第一眼嘅感覺好似Cafe，但係上到樓上見丁一條長長樓梯嘅時候，有好多藝術品，又有一種異國民族風，又有種神秘嘅復古古宅風，真係勁多打卡位，入到嚟別有洞天，真係估佢唔到。
青檸凍蜆 $118
炒蜆砌似到成個蓮花一樣，蜆肉新鮮又爽口，醬汁係泰式酸辣醬，有青靈嘅味道，所以好開胃。
火炙油甘魚薄片 $108
油甘魚經過火槍逼出油脂，上面再放上三文魚籽，鮨香味令人回味無窮。
香煎鴨肝配封門牛柳 $278
首先鴨肝一啖咬落去入口即溶，成個口都係油脂香。令外封門牛柳係厚切，3成熟就啱啱好可以鎖住肉汁，食落牛肉味好香濃，口感又軟腍。
抹茶燒羊架 $258
足足有兩隻手掌咁大嘅燒羊架，食之前要滴管注入醬汁。羊架先用抹茶醃製再拎去燒，外皮燒到微微焦香，內層肉質依然鮮嫩多汁，抹茶可以中和羊嘅騷味，食完又有抹茶嘅回甘。冇諗到抹茶同羊架又會咁合拍！
Out Of The Dark $96
青色嘅香檳杯cocktail，酒底用左Tequila，再加入多款清新嘅菠蘿汁、青檸汁，最後再加入Green Chilli ，口感好refreshing。
SPECIAL COCKTAILS
Pink Lady $92
睇個名就知道係粉紅色嘅Cocktail，用左Vodka加上西柚同埋紅石柚，另外特別在於杯身灑上爆炸糖，味道充滿果香嘅酸甜。
丸久小山圓玄米柚子梳打 $46
一串三粒口感煙煙韌韌嘅小丸子，配上丸久小山圓玄米茶，顏色黃綠色甘甜又帶玄米香，另外仲有柚子嘅酸甜味，可以中和油膩感。
桂花金橘蘋果沙冰 $55
橙色嘅沙冰上面放左三片蘋果果肉，第一啖就飲到香濃嘅金橘同埋蘋果嘅果甜味，又有啖啖桂花嘅清香。
迷幻蘑菇
依款甜品首先會用玻璃罩罩住，之後店員會打開玻璃罩，然後就會見到煙霧離漫嘅感覺。蘑菇表面係紅色，但係相信食咗都唔會中毒，入面酸酸地其實係士多啤梨果醬，另外菇身就係芒果雪葩，充滿芒果嘅果香味。
Post
