Mr. K Pizza N Chicken (Closed)

睇吓個menu炸雞都有成十種口味，pizza 有分「芝加哥」「手工」兩種，特別要一提係鐘意食芝士嘅朋友推薦你哋食「芝加哥」，因為係勁鬼多芝士！成個批夾心都係芝士！😍OMG「肉食狂人」芝加哥Pizza嘩！真係勁多勁多配料有烤雞烤豬火腿煙肉……，切落去再拉絲出嚟，芝士多到不得了，佢哋用咗double嘅水牛芝士。然後個黑糖批邊食落都好好味，原來佢哋係用黑麥粉做批底。「蜜糖芥末炸雞」蜜糖味同芥末味balance得好好，唔會偏重任何一邊，醬汁份量又唔會多過龍搞到淋晒同食唔到雞肉味。雞肉皮脆肉嫩，咬落仲有肉汁出嚟Good!「荔枝梳打」「蜜桃梳打」食Pizza炸雞唔少得有氣飲品，兩杯梳打仲有jelly 食，等食嘅時候都有嘢𡁻吓👍🏻鐘意飲啤酒嘅佢哋有五種口味韓國啤酒、黑啤、荔枝味、蜜桃味、青蘋果味。