好滾得 (Closed)

一連幾日天氣都好潮濕食辣野就最適合去食打邊爐！好滾得都係近期心水推介之一,首先係環境方面好多時食麻辣火鍋食完都會全身油煙味，但係呢度的確空氣屬於好清新座位好闊落而且抽風系統非常好Order完嘢食之後就可以自己去調味料區加調味，除咗辣椒粒、蒜蓉、豆瓣醬之外，我強烈建議大家打邊爐可以加多少少芝麻醬，會令到食物嘅味道層次更加提升湯底要咗個蟹鍋，識食一定係辣小小湯底.因為湯底會更加香濃有油香，我哋雖然叫中辣但仍然保留好麻嘅感覺，四川風味十足。蟹膏好多好夠味好好食,食完就開始打邊爐配合火鍋梗係要飲可以去熱氣嘅洛神花茶甜度適中又解渴🍶肉類我哋揀咗本地手切肥牛頸脊同西班牙黑豚肉，牛頸脊牛味香濃吸收左湯底嘅辣、香，肉質仍然keep住好嫰！招牌四寶丸分別有蝦丸、墨魚丸、鯪魚丸同牛丸，由於係手打關係每一粒都好爽口彈牙！一弽可以試齊四款唔同味道！非常難忘嘅仲有韭菜水餃，韭菜如果唔新鮮好容易有一浸酸味，而呢度嘅韭菜係非常鮮甜而且菜多肉少真係好食得好緊要💓皇帝菜同萵筍片都係蔬菜類，配合另一邊嘅野生菌湯就最適合不過，連友人平時唔鍾意食皇帝菜都話呢度嘅皇帝菜冇苦味！好清甜！