艾·蜜思手抓餅

Open Now

Now Closed

今日去太安樓掃街食平野～遠係遠左啲，不過勝在啲野平。或者我地黎時係平日同下晝四點幾，成個太安樓都好靜，除左海南雞飯，其他舖都唔使排隊。上次食過另一間手抓餅，今次試下呢間先。呢間睇落大啲同舊啲，相信比另一間開得耐啲。實在太多選擇喇，點搞，好多樣餸都想食。最後簡簡單單食個芝士雞蛋粟米算喇。雖然係簡單，都做得好唔錯！沙律醬係帶出成個餅嘅靈魂。28蚊正常價錢，仲有咁多口味配搭真係有排試。個人覺得佢同競爭對手冇乜分別，大家都不相伯仲。