不籽是咖啡 (藝里坊・1號)

Open Now

Now Closed

今日收工黎左位於西營盤嘅不籽是咖啡，呢間分店地點非常方便，喺正西營盤港鐵站出口附近，落雨唔驚。餐牌主食有燉飯，烏冬，意粉，全日早餐，沙律，小食，牛角酥窩夫同甜品。飲品除左咖啡之外，都有茶，朱古力，梳打，花茶，水果茶。冇加一。今晚想食素，叫左兩款意粉同一份小食分享。牛油果青醬蘆筍雞肉扁意粉 $98牛油果青醬蘆筍雞肉扁意粉成座山咁，上面有4舊牛油果，意粉非常滑溜彈牙，撈埋洋蔥絲同蘆筍條，帶來唔同口感，最緊要夠汁，唔會乾，味道又調得好，唔似一般意式青醬咁濃味，仲伴有少量車厘茄，有少少清新感覺。連皮雞肉係最下底有4片，都好嫩吓。最後灑上香草。黑松露雜菌扁意粉 $88黑松露雜菌扁意粉又係成座山，份量唔少，上面加有一pat黑松露醬比你自己撈，好香黑松露味。蔬菜量都唔少，食到有幾款菇，仲有爽口洋蔥，食落口感唔錯。個忌廉醬汁非常豐富，每一條意粉都充滿醬汁，食落勁滑溜邪惡。最後灑上香草。日本海鹽蜜糖甘薯條 $78日本海鹽蜜糖甘薯條好粗身，炸得外脆內軟，味道甜甜地好唔錯，上面灑上香草，仲伴有一碟茄汁比你點。青瓜梳打 $48青瓜梳打有青瓜兩大片，放係汽水上面賣相都不俗。梳打味道調得唔錯，少少甜而帶清新既青瓜