炊豕店 (威靈頓街) (Closed)

本人超鍾意食肉，基本上冇肉不歡，見到今次塊豬扒咁大塊，真係好驚喜。內外嘅裝修都好簡單，冇諗過佢嘅豬扒咁好食，入邊裝修有少少似台灣嘅風格，好似自己去咗台灣一樣。食物嘅選擇都幾多，除咗豬扒飯外，仲有豬手、滷水蛋、豬軟骨、滑蛋等等，選擇種類都幾多，除咗叫正餐外，仲可以加錢加最鍾意食嘅午餐肉，另外小食仲有唐揚炸雞、滷水雞翼及炸魚旦等等。左個蔥油豬扒飯同埋秘製豬扒飯配魯肉汁，蔥油加落去真係好香口，每啖都有蔥油味，豬扒嘅咋粉好薄，同埋豬扒好淋，另外佢嘅魯肉偏向甜，豬肉唔肥，入口即溶。最後另外叫咗個唐揚炸雞，雞肉嫩滑，炸起香脆。