搞餃鎮

Open Now

Now Closed

特登入石門，就係為咗食搞餃鎮，之前假期期間佢都閂咗門，今次終於唔使摸門釘。（其實可以自己去social media睇佢有冇開，哈哈）黑松露蟹籽鮮蝦餃首先，一上枱就見到佢勁大粒，一個人食都勁飽！然後第一啖一定係飲湯，佢個湯係淮山豆腐魚膠湯，豆腐味好香，，加上魚湯底本身就好香濃，煲出嚟一啲都唔油，魚味加豆腐味，好清好健康，完全能夠配搭餃子中嘅肉餡。餃子一咬開黑松露味都好香，但又唔會蓋過咗餃子嘅蝦味，蝦肉都好彈牙。咬完一啖，再浸返落湯，等佢出完湯再食，好好味。下次會繼續嚟試其他味道嘅餃！